IES Nº 1 DE RIBEIRA

Cómo chegar e Contorno do IES Nº 1   Fotos de IES   web do IES Nº 1 de Ribeira: http://www.iesribeira.com/

Historia do IES Nº 1 de Ribeira

O IES nº 1 de RIBEIRA foi fundado no curso 1968-69 como sección delegada do naquel entonces chamado Instituto Nacional de Bachillerato “Arzobispo Gelmirez” de Santiago de Compostela. Contaba só cun centenar de alumnos e once profesores.

O centro educativo ubicouse na beiramar da praia de Coroso, a 2 km do centro urbano, considerándose naquel momento como moi afastado da cidade.

Ó cabo de catro anos pasa a ter funcionamento independente coa denominación de “Instituto de Bachillerato de Ribeira”, cubrindo as necesidades educativas de toda a poboación de Barbanza-Sur, ó seren o único centro de bacharelato dunha bisbarra cun importante dinamismo, tanto económico como demográfico. Na metade da década dos oitenta chega a ter 950 alumnos, convertíndose nun dos centros de Galicia que máis alumnado enviaba á Universidade.

A causa deste crecemento o centro experimentou sucesivas obras de ampliación con resultados un tanto contradictorios, pois se ben se melloraron considerablemente instalacións e infraestructuras, a parte vella do edificio -que acolle as dependencias administrativas, laboratorios de Ciencias e Química, baños, cafetería, numerosas aulas e o salón de usos múltiples- atópase bastante deteriorada tanto no aspecto estético como funcional. De feito, a única obra realizada nesta parte foi retocar a antiga capela para convertila no salón de usos múltiples.

Dende 1996 o Instituto pasou a ser o IES nº1 de RIBEIRA, impartindo as ensinanzas de ESO e Bacharelato, ramas de Humanidades e Ciencias, ambas en modalidade de diurno e adultos. Conta na actualidade con 900 alumnos/as e 64 profesores, destacando a elevada proporción de alumnado de adultos (aproximadamente un tercio do total) ó seren o centro de referencia da zona para este tipo de ensinanzas. Tamén se imparte “That’s English”, programas de alfabetización e cursos da Escola Oficial de Idiomas.

O IES nº 1 de Ribeira organiza numerosas actividades complementarias e extraescolares e asimesmo participa en proxectos educativos permanentes de diversa índole, dos que destacamos:

• Proxecto europeo “Comenius” (varios cursos)
• Intercambio lingüístico en Lund (Suecia), organizado polo Seminario de Inglés para 1º de Bacharelato (curso 2003-04).
• Proxecto GRUNDTWIG (Programa Sócrates) de educación de adultos xunto con centros de España, Gran Bretaña, Italia, Grecia e Rumanía (Seminario de Inglés, curso 2003-04).
• Grupo “Irmáns Mirabal” integrado por docentes de diversas disciplinas, adicado á formación pola non discriminación e contra a violencia de xénero.
• Semana da Ciencia, proxecto interdisciplinar que nace no curso 2000-01, co obxectivo principal de convertir ó alumnado en protagonista principal do proceso de ensinanza e aprendizaxe (Seminarios de Ciencias Naturais, Física-Química, Matemáticas e Tecnoloxía).
• Itinerario xeolóxico por Galicia-León-Asturias de catro días de duración para 2º de Bacharelato de Ciencias, organizado polo Seminario de Ciencias dende hai dez anos.
• Excursión de Arte para 2º de Bacharelato de Humanidades, organizada polo Seminario de Xeografía e Historia en colaboración con outros departamentos (Galego, Latín, Língua Castelá)
• “Euroescola”: concurso a través de internet organizado pola Oficina do Parlamento Europeo para promover o coñecemento das institucións europeas e o seu funcionamento entre os xoves. O centro participa dende hai tres anos, na edición 2004 con tres equipos.
  

PREMIOS DOCENTES

Este curso o noso centro foi galardonado con catro premios educativos. Son:

• 1º Premio “Educacompostela 2003” convocado polo concello de Santiago e a asociación pedagóxica “Nova Escola Galega”, para catro docentes do Seminario de Ciencias Naturais polo documental multimedia e interactivo: “Prestige: problemática medioambiental”.
  
• 2º Premio de Innovación Educativa (modalidade B) convocado pola Consellería de Educación, para o proxecto “Semana da Ciencia” presentado polo Seminario de Ciencias Naturais.
  
• 3º Premio de Innovación Educativa sobre “Formación pola non discriminación”, convocado pola Consellería de Educación, para o grupo de traballo “Irmáns Mirabal”.
  
• 2º Premio no concurso Euroescola 2003
  

Copyright © 2001, ENCIGA