FORMATO DOS TRABALLOS

NORMA UNE 50-104-94
(para publicacións)

No Congreso entregarase Unha Guía do Congreso cos resumes dos relatorios e un CD cos relatorios completos.

Normas para a presentación dos traballos

• Os autores de comunicacións, obradoiros ou exposicións, deberán enviar por correo electrónico (congreso20@enciga.org) :
  • Un RESUMO DO RELATORIO para o Libro Guía do Congreso. Presentará e reflectirá o contido do mesmo, cunha extensión máxima de dúas páxinas en A4 e constando só de texto (SEN gráficos nin fotos) acorde co formato indicado máis abaixo. PUBLICARASE NO LIBRO GUÍA.
  • O RELATORIO COMPLETO para o CDROM. Poderanse escribir os relatorios sen número límite de páxinas, fotos, gráficos, presentacións, etc. Publicaranse sen tratamento de ningún tipo, tal e como se reciban. PUBLICARANSE NO CD.
• Enviaranse os dous arquivos ao enderezo electrónico sinalado, nomeados deste xeito: “Apelidos e Nome do primeiro autor, CC/RE e TÍTULO BREVE” (CC/RE segundo sexa Comunicación Completa ou REsumo).
  • Exemplo: “Feliz Pérez José, CC, HISTORIA DOS ÚLTIMOS ANOS”, e “Feliz Pérez José, RE, HISTORIA DOS ÚLTIMOS ANOS”.
  • De enviarse un só entenderase que é a CC e non será publicada no Libro Guía.
  • Non serán admitidos con nome ou formato diferente aos indicados.
• Pódese engadir un breve Abstract en inglés ó principio.
• Dos CARTEIS enviarase unha fotografía.

Formato dos arquivos

• Tanto o resumo como o relatorio completo terán o TÍTULO, os AUTORES e o CENTRO DE TRABALLO destacados na cabeceira.
• Formato: DIN A4, procesador de textos Openoffice ou Word, todas as marxes de 2,5 cm, tipo de letra Times New Roman de 12 puntos e ilustracións en formato TIFF para fotografía e EPS para gráficos.
• No caso de incluír gráficos, unha copia dos mesmos deberá gravarse nun directorio diferente ó do texto .
• Seguirán as Normas UNE 50-103-90 (Preparación de resumos) e UNE 50-104-94 (Referencias bibliográficas).